Mund të themi se shkuarja tek dentisi është diçka jo edhe aq e preferuar e për t’u bërë nga disa njerëz. Në fakt, thuhet se mbi 45% e popullsisë angleze thonë se shqetësohen për një vizitë tek dentisti dhe pothuajse 12% kanë nivele aq të larta ankthi sa do të shmangnin një vizitë për një kohë të gjatë, nëse nuk do kishin një emergjencë.
Për këta njerëz – të cilët mund të konsiderohen të kenë një “fobi dentare”, madje vetëm mendimi i një vizite mund të çojë në ndjenja të tmerrshme dhe në netë pa gjumë, trasnemton GazetaShneta.
Hulumtimi i kryer nga “King’s College London Dental Institute” ka zbuluar se njerëzit me fobi nga ndërhyrjet dentare kanë tendencë të kenë më shëndet të ulët oral dhe më shumë vrima (dhëmbëza) në dhëmbët e tyre. Kjo mund të ndodhë për shkak të neglizhimit të kontrolleve në klinikën dentare, higjiena e dobët si dhe mungesa e shprehisë së larjes së dhëmbëve.
Kjo, në kombinim me pirjen e duhanit, që shkakton sëmundjen e mishit të dhëmbëve dhe konsumin e lartë të sheqerit, shkaktojnë vrima në dhëmbë.
Diçka që duhet të merret parasysh është ofrimi I këshillave më të përshtatura për praktikat e higjienës orale – siç është teknika më e mirë e larjave dhe udhëzime për ndalimin e pirjes së duhanit. Shpresa është që të informuar më saktë rreth shëndetit të gojës, pacientët do të ndihen më të sigurt në higjienën e tyre orale, të cilat duhet të ndihmojnë për të parandaluar sëmundjet e mëtejshme – dhe për të zvogëluar ankthin e lidhur me ndonjë vizitë dentare.
Në fund të fundit, çdo fobi mund të jetë e vështirë për tu menaxhuar, por kur kjo është një fobi që ndikon në shëndetin tuaj të përditshëm dhe cilësinë e jetës, pasi që efektet mund të jenë shkatërruese. Pra, duke pasur parasysh faktin se hulumtimet tregojnë se disa fobi mund të zhvillohen në familje, është e qartë që kjo nuk është vetëm për të ndihmuar pacientët e sotëm, por edhe për të ndihmuar pacientët e nesërm./GazetaShneta/