Sipas raporteve të ekipeve mjekësore të QKMF-së ,të vendosura në kompleksin e Minierës TREPÇA që të ofrojnë shërbimet shëndetsore për minatorët në grevë, në 24 orët e fundit ndihmë mjekësore kanë kërkuar 49 minatorë.
Sipas një njoftimi nga drejtori i shëndetësisë, dr. Fahri Shabani, ka treguar se 49 minatorë kanë kërkuar ndihmë mjekësore, shkruan Gazeta Shneta.
Prej tyre 44 ndihmën mjekësore e kanë marrë nga ekipi mjekësor i QKMF-së dhe ekipi mjekësor i Kombinatit TREPÇA ,kurse 5 minatorë janë dërguar në Spitalin e Përgjithshëm në Mitrovicë për trajtim më të avancuar mjekësor ,ku pas marrjes së trajtimit gjendja shëndetsore është përmirësuar dhe janë liruar.
Në njoftim thuhet se ekipet mjekësore të QKMF-së do të vazhdojnë edhe më tutje të kujdestarojnë 24 orë në ditë në ambulancën në Kompleksin e Minierës TREPÇA për të qenë sa më afër minatorëve grevistë, sipas kërkesës së zyrtarëve shëndetsor të Kompanisë TREPÇA Sh.A./Gazeta Shneta/