Një aksident trafiku ka ndodhur sot në mëngjesë në Komunën e Podujevës. Si pasojë e plagëve të marra dy persona kanë vdekur ndërsa dy të tjerë janë lënduar.
Pas aksidentit të vdekur kanë mbetur burri 36 vjeç dhe gruaja 35 vjeç, ndërsa dy fëmijët e tyre kanë pësuar lëndime trupore dhe janë duke u trajtuar në Qendrën Klinike Universitare të Kosovës.
Sipas zyrës së informimit të Shërbimit Spitalor Klinik Universitar të Kosovës, fëmijët janë duke u trajtuar njëri në Klinikën e Neurokirurgjisë dhe tjetri në Klinikën e Ortopedisë.
“Dy fëmijë pas aksidentit kanë kërkuar ndihmë mjekesore emergjente në Klinikën Emergjente. Pas trajtimit emergjent janë transferuar për trajtim të mëtejmë. Njëri në neurokirirgji dhe tjetri në ortopedi”, thonë nga ShSKUK për Gazetën Shneta.
Në anën tjetër nga Klinika Emergjente thonë se gjendja e të lënduarve është stabile. /Gazeta Shneta/