Simptomat neurologjike, tashmë janë duke u raportuar, të cilat shkaktojnë një gjendje mendore të ndryshuar.
Aplikacioni i zhvilluar ‘COVID Symptom Study’ i përhapur në Mbretërinë e Bashkuar, SHBA dhe Sudedi, u kërkon pjesëmarrësve të regjistrojnë shëndetin e tyre dhe çdo simptomë të re të mundshme të Covid-19 në baza ditore shkruan Express.co.uk përcjell Gazeta Shneta.
Ndër të tjera, ky aplikacion ka pasur më shumë se katër milion përdorues që përfaqëson studimin më të madh të këtij lloji në botë.
Progresi dhe rezultatet gjithashtu ndryshojnë ndjeshëm midis njerëzve, duke filluar nga simptoma të buta të ngjashme me gripin ose një skuqje të thjeshtë deri në sëmundje të rëndë ose fatale.
Për sa i përket konfuzionit, të dhënat nga aplikacioni tregojnë se pacientët me koronavirus shpesh vuajnë nga deliriumi, një gjendje e konfuzioni akut dhe çorientimi.
Studimi vuri në dukje se: “Covid-19 është kryesisht një sëmundje e frymëmarrjes. Sidoqoftë, disa raste shfaqin tipare të tjera duke përfshirë simptomat e Sistemit Nervor Qendror (SNQ)”./Gazeta Shneta/