Megjithëse nuk ka raste të infektimit me virusin e etheve hemorragjike kongo, por mbetet mjaft shqetësuese numri në rritje i rasteve nga thumbimet nga rriqrat.
Sipas një njoftimi të komunës, nënkryetari i Komunës së Malishevës, Hajdin Berisha dhe drejtori komunal për shëndetësi Liridon Hoti, të cilët janë edhe anëtarë të shtabit komunal për luftimin dhe parandalimin e EHKK, kanë pritur në një takim pune, zyrtarët e Institutit Rajonal të Shëndetit Publik, të prirë nga përgjegjësja Nurishahe Hulaj.
Derisa në këtë takim, në mes tjerash është diskutuar edhe për gjendjen aktuale të epidemiologjisë në Malishevë, e cila shihet se deri më tani është nën kontroll.
“Në takimin e sotëm, mes përgjegjësve të komunës dhe IRSHP-së, u tha se nuk ka raste të infektimit me virusin e etheve hemorragjike krime kongo, por shqetësuese është numri në rritje i rasteve të thumbimeve nga rriqrat, në nivel vendi, përfshi edhe Malishevën. Po ashtu në këtë takim pune, është folur edhe për masat e ndërmarra deri më tani, në kuadër të masave për parandalimin dhe luftimin e EHKK, dhe është shprehur edhe njëherë shqetësimi, por mos zbatimin e aktivitetit të repelimit të kafshëve, si masa më e efektshme në luftimin dhe parandalimin e EHKK”, thuhet në njoftimin e komunës së Malishevës.
