Policia lokale në Mynih, Gjermani, ka nisur një hetim pas një aksidenti ku një makinë përplasi një turmë njerëzish, me pamje që janë shpërndarë në rrjetet sociale, duke treguar një operacion të madh në qytet.
Më shumë se një duzinë njerëzish thuhet se janë plagosur pasi një makinë ka përplasur një turmë njerëzish në një qytet të madh të Gjermanisë, raporton The Mirror.co.uk përcjell Gazeta Shneta.
Policia në Mynih ka dërguar një prani të madhe forcash në qytet pas incidentit të këtij mëngjesi, pas raportimeve se një makinë, e dyshuar të jetë një Mini Cooper, goditi deri në 20 njerëz që po merrnin pjesë në një demonstratë, duke lënë disa prej tyre në gjendje kritike.
Në një deklaratë, policia e Mynihut tha se po zhvillohej një “operacion i madh policor” në zonën e rrugëve Dachauer dhe Seidle.
Nuk dihet ende nëse aksidenti ishte i qëllimshëm apo shoferi aksidentalisht e shtyu makinën në grupin e njerëzve. /Gazeta Shneta/