Epidemia e fruthit këtë vit ka shpërthyer në Gjermani dhe kjo ka bërë që shteti gjerman të vihet në alarm.
Gjermania është një nga vendet evropiane me numrin më të madh të rasteve të fruthit tek fëmijët dhe kjo nuk ka lënë zyrtarët shtetëror ‘duarkryq’.
Gjermanët kanë dhënë propozim që prindërit të cilët nuk vaksinojnë fëmijët e tyre të dënohen deri në 2,500 euro, shkruan CNN, transmeton Gazeta Shneta.
Një studim i UNICEF’it i publikuar javën e kaluar tregon se fruthi ishte shkaktar për ndërrimin e jetës së 110 mijë personave, më së shumti fëmijë.
Dhe, mbi 20 milionë fëmijë nuk arritën të marrin dozën e parë të vaksinës kundër fruthit po atë vit.
Ndryshe, Gjermania nuk është vendi i parë që jep një propozim të tillë. Kohë më parë edhe Nju Jorku bëri një propozim të ngjashëm. /Gazeta Shneta/