Ndryshimet hormonale që ndodhin me lindjen e fëmijës, menopauzëa dhe menstruacionet mund të shkaktojnë ose të përkeqësojnë simptomat e psikozës.
Nivelet e hormoneve ovariane në gjak bien po në ditët që çojnë deri në ditët me menstruacione. Mund të jetë kjo rënie, veçanërisht në estrogjen, që ndikon në shëndetin mendor, transmeton GazetaShneta.
Një mekanizëm i ngjashëm mund të jetë përgjegjës për episodet e psikozës pas menopauzës dhe lindjes së fëmijës.
Pavarësisht qasjes së përhapur se psikoza ndikohet nga cikli menstrual, kjo nuk është shqyrtuar asnjëherë nga një analizë më e madhe në mënyrë që të nxjerrë diçka më konkrete, përcjellë The Conversation.
Studimi I botuar në “Schizophrenia Bulletin”, tregoi një shkallë më të lartë të pranimeve psikiatrike të grave gjatë kohës së menstruacioneve – një herë e gjysmë më shumë se sa pritej nëse pranimet u përhapën në mënyrë të barabartë përgjatë ciklit. Kjo u bazua në rezultatet e 11 studimeve me një total prej 742 grave që kishin psikozë.
Tani nevojitet të bëhet më shumë punë për të përcaktuar se si mund t’i identifikojmë dhe mbështesim gratë, sëmundjet e të cilave mund të jenë veçanërisht të ndjeshme ndaj luhatjeve hormonale./GazetaShneta/