Sipas ekspertëve, gratë po përballen me një rrezik të rritur nga sëmundjet e zemrës, duke humbur jetën në mënyrë “të panevojshme” për shkak të simptomave që shpesh ngatërrohen me probleme të tjera shëndetësore.
Këto simptoma, që mund të jenë të ndryshme nga ato që raportojnë burrat, përfshijnë:
Shtrëngim në gjoks: Gratë shpesh ndjejnë presion ose shtangim në gjoks, një ndjesi që mund të ngatërrohet me ankthin dhe jo domosdoshmërisht me dhimbjen, shkruan The Independent, transmeton Gazeta Shneta.
Frymëmarrje e rënduar: Kjo ndodhi pas aktivitetesh të lehta ose edhe gjatë pushimit dhe mund të jetë shenjë e një problemi të zemrës.
Lodhje e pashpjegueshme: Një ndjenjë e vazhdueshme e lodhjes, e cila zgjat për ditë ose javë, mund të tregojë për probleme të hershme me zemrën.
Simptomat e gastroenteritit: Këto simptoma, të cilat shpesh ngatërrohen me problemet e stomakut, mund të lidhen gjithashtu me shqetësime në zemër.
Dhimbje të papritura në zona të ndryshme të trupit: Ndjenja e shqetësimit në shpinë, qafë, nofull ose stomak, pa ndonjë shkak të dukshëm, mund të jenë tregues të sëmundjeve të zemrës.
Djersitje e pashpjegueshme: Djersitja që ndodh papritur, sidomos nëse shoqërohet me simptoma të tjera si gulçimi, mund të jetë një alarm i rëndësishëm.
Rrahje të shpejta të zemrës: Një ndjenjë se zemra po rreh me shpejtësi, sidomos pa ndonjë aktivitet fizik, është një tregues serioz që kërkon vëmendje mjekësore.
Ekspertët theksojnë rëndësinë e njohjes së këtyre simptomave dhe kërkojnë që gratë të jenë më të vëmendshme ndaj shenjave që mund të tregojnë probleme me zemrën, duke e vënë theksin në nevojën për diagnostikim dhe trajtim të hershëm për të parandaluar pasoja fatale./Gazeta Shneta/