Gratë shtatzëna që konsumojnë më shumë se tri gota çaj ose dy filxhan kafe në ditë kanë më shumë gjasa të kenë fëmijë mbipeshë, sugjeron një hulumtim i ri.
Gratë në pritje të fëmijës, që konsumojnë mbi 200 mg kafeinë në ditë janë më të rrezikuara të kenë fëmijë që rriten më shpejt në vitet e hershme dhe të mbajnë peshë të tepërt prej ditëlindjes së tyre të tetë, zbuloi një studim, transmeton Gazeta Shneta.
Studimet e mëparshme tregojnë se ekspozimi ndaj kafeinës në mitër mund të “shuaj” gjenet e lidhura me rregullimin e peshës.
Autori i studimit Profesor Verena Sengpiel nga Universiteti i Göteborgut tha se “edhe nëse nevojiten më shumë studime para se të themi se çfarë do të thotë vërtet ky fakt, mund të themi se kafeina është një substancë që duhet reduktuar konsumin duhet përmbajtur tërësisht gjatë shtatzënisë”.
Hulumtimet e kaluara sugjerojnë se fëmijët obezë kanë më shumë gjasa të vuajnë nga diabeti i tipit 2 dhe presioni i lartë i gjakut në jetën e mëvonshme.
NHS rekomandon që gratë shtatzëna të kufizojnë konsumin e përditshëm të kafeinës në 200mg në ditë, e cila është e barabartë me dy kupa me kafe të çastit ose tre gota çaj.