Shumica e grave shtatzëna që diagnostifikohen me koronavirus nuk pësojnë sëmundje më të rëndë se popullsia e përgjithshme, sipas një studimi të ri.
Ato gjithashtu nuk duket se ia kalojnë infeksionin bebeve të tyre, transmeton Gazeta Shneta.
Një studim i 43 grave shtatzëna të diagnostifikuara me virusin në New York u botua të hënën në American Journal of Obstetrics & Gynecology. Studimi u zhvillua gjatë një periudhe dy javore nga 13 deri në 27 mars.
Rreth 80% e pjesëmarrësve të studimit, 37 gra, përjetuan një formë të butë të sëmundjes ndërsa katër, rreth 15% zhvilluan forma më të rënda thuhet në studim.
Dy prej atyre grave, që përbënin 5% të studimit, përjetuan “sëmundje kritike”.
“Nga 29 gra simptomatike Covid-19 pozitive, 25 gra ishin në gjendje të mirë për të qëndruar në shtëpi, me shenja normale jetike, nuk kishin nevojë për oksigjen shtesë dhe asnjë indikim klinik për imazhe ose trajtim”, thuhet në studim.
Gjithashtu, asnjë foshnjë e përfshirë në studim nuk dukej se ishte infektuar në bazë të testimit të kryer menjëherë pas lindjes.
Kjo është një kontrast i ashpër me mënyrën se si gratë shtatzëna reaguan ndaj SARS dhe H1N1. Gratë shtatzëna ishin më të ndjeshme ndaj të dy sëmundjeve, kishin komplikime më serioze nga ato sëmundje dhe kishin një shans më të madh për të vdekur sesa popullata e përgjithshme.
Studimi arriti në përfundimin se kërkimet shtesë duhet të përfundojnë në mënyrë që të kuptojnë madhësinë e vërtetë të rreziqeve në gratë shtatzëna.
Për më tepër, autorët e studimit sugjerojnë që spitalet duhet të testojnë çdo grua shtatzënë. /GazetaShneta/