Të qenit shtatzënë, përveç që ju ç’rregullon funksionalitetin e organeve të brendshme, ju bën probleme edhe me gjërat e tjera në jetë.
Një nga to është edhe fluturimi me aeroplan, atje ku duhet të keni kujdes. Dr Drita Kabashi sqaron për ju nëse guxoni të fluturoni me aeroplan gjatë shtatzënisë.
“Po, në tremujorin e parë dhe të dytë mundeni pa kurrfarë problemi me fluturu edhe pse në shtet e perëndimit zakonisht preferohet që më parë të kërkohet mendimi i mjekut tuaj po që se ju keni:
- Gjakderdhje
- Diabet në shtatzëni
- Tension të lartë
- Lindje të parakohshme në shtatzëni të mëhershme
Tek të shumë shtatzëna tremujori i dytë (nga java e 14-të deri 27) është më i preferueshmi. Sepse në atë kohën e mundimeve dhe të vjellave i kanë tejkaluar në 3-mujorin e parë.
Është koha kur femrat janë më energjike, mundësia e fundit kur ato e shijojnë udhëtimin pa një bagazh të stërngarkuar, karrocën, pelena etj.
Është me rëndësi të ceket se disa kompani nuk i lejojnë shtatzënat nga java e 27-të, kurse kompania Lufthansa p.sh. lejon deri në javën e 36-të.
Mos harroni të informoni kompaninë tuaj se jeni shtatzënë për arsye se po që se keni nevojë për ndihmë të shpejtë, kjo në aspektin ligjor do të ju ndihmojë shumë.
Edhe diçka mos harroni: Fluturimi ngrit rrezikun nga një trombozë e mundshme dhe po ashtu edhe zgjerimin e venave.
Skenimi nëpër detektorët e aeroportit – Detektorët e metaltë nëpër aeroporte janë të padëmshëm për bebën tuaj, sepse lirojnë frekuencë shumë të ulët të fushës magnetike. /Gazeta Shneta/