Ashtu si çdo organ tjetër në trupin e njeriut edhe lukthin kërkon përkujdesje dhe shërimin e tij në rast kur nuk është mirë.
Sëmundjet të cilat shkaktohen në lukth janë të ndryshme nga shqetësimet më të thjeshta deri të kanceri.
Në një intervistë për Gazetën Shneta, gasteroenterologu, dr.Skender Telaku ka treguar se si sëmundjët e ndryshme të lukthit kanë shkaktar dhe trajtime të ndryshme.
“Në praktikën time të përditshme më së shumti hasim të sëmurë me sëmundje të refluksit gastroezofageal dhe me dispepsi. Te grupi i të sëmureve me dispepsi infeksioni me Helicobacter pylori është në rend të parë”, u shpreh Telaku.
Prandaj, sipas Telakut në rastet e refluksit gastroezofageal apo dispepsisë, një udhëzuës për pacientët është kryerja e gastroskopisë.
Tutje ai theksoi se në mesin e sëmundjeve që shkaktojnë dëme në lukth dhe kërkojnë trajtim më të shpejtë, është ulçera e lukthit. E sipas Telakut ulçera në lukth është e rrëzikshme më shumë për të moshuarit që janë përdorues të terapive.
“Ulçera është e rrezikshme sidomos për të moshuarit dhe ata që përdorin shumë barera. Gati çdo ditë pranohen në klinikën tonë të sëmurë me gjakderdhjë nga lukthi si pasojë e përdorimit të terapisë antikoagulante pas stentimit të të sëmurevë. Gjakderdhja është komplikimi më serioz i ulçerës. Gjakderdhja në shfaqjen apo përsëritjen e infarktit të zemres , e cila mund të jetë shumë e rrëzikshme për të sëmurin”, u shpreh ai.
Ndër të tjera Telaku tregon se H. pylori dhe medikamentet e reumes të cilat janë anti inflamatore dhe jo steroid, jane një indikator kryesor i demtimeve të stomakut.
Madje për bakterien e lukthit Helicobacteria pylor, Telaku thotë se kjo lloj diagnoze është mjaft e përhapur.
“H.pylori është shumë i shpeshtë . Për Kosovë e Shqiperi janë disa punime që flasin për prani të lartë të H.pylori tek popullata jonë”, tha ai.
Sipas gastroenterlogut në periudhën e fundit njerëzit kanë qenë mjaft mirë të informuar ndaj kësaj bakterie, madje sipas tij ndodh shpesh që fokusi i pacientëve është aq i madh tek kjo bakterie sa që harrohën sëmundje me të mëdha.
“Ajo që dua të potencoj që shpesh po ndodh që duke “vrapuar” pas Helikobakterit po harrohen disa gjendje shumë të rëndësishme siç është p.sh. kanceri i pankreasit apo i zorrës së trashë”, përfundoi Telaku për Gazetën Shneta./Gazeta Shneta