Hemorragjia pas lindjes (PPH) është gjakderdhja apo humbja e gjakut pas lindjes.Zakonisht, kjo gjendje ndodh menjëherë pas lindjes, por edhe disa ditë apo javë pas lindjes.Shkaku më i zakonshëm i PPH-së është se mitra nuk arrin të tkurret siç duhet pas lindjes.
Ndërsa, PPH-ja është plotësisht e shërueshme, është një gjendje serioze që mund të dërgojë në gjendje shoku apo edhe në pasoja fatale shkruan VeryWellHealth, transmeton Gazeta Shneta.
Mësoni më shumë rreth komplikimeve gjatë shtatzënisë KËTU
Çfarë është gjakderdhja pas lindjes?
Organizata Botërore e Shëndetësisë (OBSH) e përcakton hemorragjinë pas lindjes si humbje e më shumë se 500 ml gjak, 24 orë pas lindjes natyrale dhe më shumë se 100 ml gjak pas një lindje cezariane.
Shkaqet e gjakderdhjes pas lindjes
Ndër arsyjet e shpeshta të hemorragjisë pas lindjes janë:
-Atonia e mitrës: Është shkaku më i zakonshëm i PPH-së.Kjo ndodh kur muskujt në mitër nuk shtrëngohen mjaftueshëm pas lindjes për të kontrolluar gjakderdhjen.
-Fragmentet e mbajtura të placentës: Konsiderohet si shkaku i dytë i zakonshëm i PPH-së, i cili ndodh kur placenta mbetet pjesërisht në trup.
-Dëmtimi i mitrës: Është një gjendje më e rrallë kur mitra kthehet brenda pas lindjes.
-Çrregullimet e gjakderdhjes: Këto çrregullime mund ta vendosin gruan në një rrezik më të lartë të PPH-së./GazetaShneta/