Preeklampsia pas lindjes është një gjendje e rrallë që mund të shfaqet tek gratë.Ky version ka të njejtat simptoma ashtu sikurse gjatë shtatzënisë.Ajo se çfarë e bën të dallueshme janë simptomat e para.
Si preeklampsia gjatë shtatzënisë, ashtu edhe preeklampsia pas lindjes mund të sjellin pasoja të rënda tek gratë, andaj kjo gjendje kërkon një monitorim dhe menaxhim nga profesionistët shëndetësor shkruan VeryWellHealth, transmeton Gazeta Shneta.
Mësoni më shumë rreth komplikimeve gjatë shtatzënisë KËTU
Gratë me preeklampsi pas lindjes zakonisht zhvillojnë presion të lartë të gjakut (hipertension), nivele të larta të proteinave në urinë dhe ënjtje të duarve dhe këmbëve.
Në rast të mos-trajtimit, kjo gjendje mund të shkaktojë kriza dhe komplikime të tjera.
Simptomat e preeklampsisë pas lindjes
Zakonisht, simptomat fillojnë brenda 48 orëve pas lindjes, mirëpo në disa raste ato mund të zhvillohen gjashtë deri në 12 javë pas lindjes.
Simptomat e preeklampsisë pas lindjes përfshijnë:
-Hipertension;
-Ënjtje e ftyrës, duarve dhe këmbëve;
-Nivele të larta të proteinave në urinën tuaj;
-Dhimbje koke, e vazhdueshme, e rëndë;
-Dhimbje barku
Në rast se përballeni me simptoma të tilla, rekomandohet të konsultoheni me mjekun tuaj.
Komplikimet nga preeklampsia pas lindjes
Preeklampsia pas lindjes duhet të trajtohet pasi ajo mund të shkaktojë komplikime serioze, si:
-Vështirësi në frymëmarrje, si pasojë e grumbullimit të lëngut të tepërt rreth mushkërive;
-Goditja në tru, ku rrjedha e gjakut në tru ndërpritet, meqë rast ndërpritet furnizimi i trurit me oksigjen dhe lëndë ushqyese;
-Tromboembolia apo mpiksja e gjakut, që bllokon rrjedhën e gjakut në një pjesë të trupit/GazetaShneta/