Historia e dhimbshme: Prindërit e refuzuan dy herë të birin për shkak të pamjes (Foto)

2017-03-11 në ora 17:06

Kur Jono Lancaster mbushi vetëm 36 orë nga lindja, ai u dha për adoptim nga prindërit e tij biologjik.

Jono lindi me një çrregullim të rrallë i quajtur sindromi ‘Treacher Collins’. Nëna u tmerrua nga pamja e tij dhe vendosi që ta dhurojë për adoptim, shkruan SocialDiply, transmeton Gazeta Shneta.

Sindromi kishte prekur fytyrën e fëmijës duke bërë kështu që sytë e tij të mos zhvillohen normalisht. Poashtu mjekët kishin thënë se Jono do të kishte probleme me dëgjimin si dhe me të ecurit.

Kur Jono i mbushi 2 javë, ai u adoptua nga gruaja e quajtur Jean.

“Fytyra e tij dukej ndryshe por kjo nuk më shqetësonte mua aspak”, thotë ajo.

Tash pas 20 viteve, Jono një i ri i rritur dhe i suksesshëm, ka një mesazh për ta ndarë me krejt botën.

“Jam përpjekur të qëndroj pozitiv gjatë gjithë jetës. Të gjithë më shikonin ndryshe dhe më nënvlerësonin dhe gjithnjë më është dashur t’ua provojë të kundërtën”, thotë Jono.

“Kam mësuar të mendoj pozitivisht gjatë viteve dhe tani është bërë pjesë e imja”.

I pyetur nëse do të dëshironte të bënte ndonjë ndërhyrje për ta normalizuar fytyrën, ai thotë: Kurrë. Zoti më ka krijuar kështu dhe kam lindur kështu për ndonjë arsye.

Kur Jono i mbushi 25 vite, iu dha mundësia që të krijojë kontakte me familjen e tij biologjike.

Ai iu shkroi një letër duke shprehur dëshirën që t’i takojë. Por kjo dëshirë nuk iu plotësua.

Agjencia e adoptimit i tha se prindërit e tij nuk duan ta takojnë dhe nuk duan që të krijojnë kontakt me të.

Refuzimi i dytë i prindërve e mërziti shumë Jonon dhe ai vendosi që ta përmbys këtë në motiv për të bërë më të mirën.

Tani Jono është bërë një inspirim për të rinjtë në profilin e tij në rrjetet sociale. Ai tani shfrytëzon kohën duke udhëtuar nëpër botë. /Gazeta Shneta/