Rreth një në shtatë njerëz në Mbretërinë e Bashkuar marrin ilaçe për të trajtuar depresionin, por disa thonë se atyre nuk u jepen këshillat e duhura në lidhje me efektet anësore të mundshme të barnave që u janë dhënë.
Djali i Seonaid Stallan, Dylan, ishte adoleshent kur filloi të merrte trajtim për dismorfinë trupore dhe depresionin.
“Ai po luftonte me mënyrën se si ndihej për veten, mënyrën se si dukej. Ai ishte jashtëzakonisht i shqetësuar. Ai do të ishte i sëmurë fizikisht, nuk do të mund të dilte nga shtëpia.”- tha Seonaid, shkruan BBC, transmeton Gazeta Shneta.
Dylan, nga Glasgow, u trajtua me antidepresantin Fluoxetine që në moshën 16-vjeçare. Por kur ai mbushi 18 vjeç, mjekimi i tij u ndryshua në Sertaline. Brenda dy muajve nga ndryshimi i recetës së tij ai kishte bërë vetëvrasje.
Nëna e tij thotë se asnjëri prej tyre nuk ishte paralajmëruar për efektet anësore të mundshme kur i ndryshuan ilaçet. Ajo thotë se atij iu tha gjithashtu se do të ishte në rregull të pinte alkool ndërsa merrte antidepresantin e ri.
Udhëzimi i NHS-së thotë se është më mirë të shmangni alkoolin kur filloni të merrni Sertraline derisa të shihni se si ju bën të ndiheni dhe vetë fletëpalosje brenda kutisë thotë se alkooli duhet të shmanget.
Seonaid thotë se një natë përpara se djali i saj të vriste vetën, ai kishte pirë një “sasi të konsiderueshme” alkooli. Ajo thotë se Dylan nuk kishte shprehur asnjë mendim vetëvrasës përpara se të fillonte me Sertaline. Ajo beson se këshillat që morën nga klinika luajtën një rol në vendimin e djalit të saj për t’i dhënë fund jetës.
Efektiviteti i ilaqeve kundër depresionit tek moshat nën 18 vjeç nuk dihet plotësisht dhe në Mbretërinë e Bashkuar vetëm një lloj ilaçi – Fluoxetine, i quajtur zakonisht Prozac – i përshkruhet këtij grupi. Por, kur të mbushësh 18 vjeç, si Dylan, mund të të përshkruajnë ndonjë antidepresant. Ekzistojnë disa prova klinike që sugjerojnë se rreziku i vetëvrasjes tek 18-24 vjeç rritet kur ata marrin këto medikamente./Gazeta Shneta/