Studiuesit nga Universiteti McMaster kanë identifikuar një çrregullim të ri të mpiksjes së gjakut, të quajtur MGTS (Gammopatia Monoklonale e Ngjashme me VITT me Rëndësi Trombotike). Ky çrregullim shkakton mpiksje të pazakonta edhe pas trajtimit me hollues gjaku.
Studimi, i publikuar më 12 shkurt 2025 në The New England Journal of Medicine, tregon se MGTS ka ngjashmëri me VITT, një çrregullim i rrallë i shkaktuar nga disa vaksina të ndaluara kundër COVID-19. Antitrupat që shkaktojnë këtë sëmundje shfaqen pa faktorë të njohur si heparina ose vaksinimi shkruan MedicalXpress transmeton GazetaShneta.
Testimet në Laboratorin e Imunologjisë së Trombociteve në McMaster identifikuan praninë e proteinave monoklonale (M-proteina), të cilat tregojnë një proces patologjik të vazhdueshëm. Studimi përfshiu pacientë nga Kanadaja, Zelanda e Re, Franca, Spanja dhe Gjermania.
Një nga gjetjet më të rëndësishme ishte se pacientët nuk reagonin ndaj holluesve të zakonshëm të gjakut, por tregonin përmirësime me terapi të pazakonta si imunoglobulina intravenoze (IVIG), frenues të kinazës Bruton (ibrutinib) dhe trajtime të synuara për mielomën.
Ky zbulim mund të ndryshojë mënyrën se si mjekët diagnostikojnë dhe trajtojnë pacientët me mpiksje të pazakonta, duke ndihmuar në përmirësimin e rezultateve të trajtimit./GazetaShneta/