Pas interesimit të Gazetës Shneta lidhur me një pozitë për laborant, IKSHPK ka anuluar konkursin dhe procedurat e rekrutimit
Instituti Kombëtar i Shëndetit Publik ka anuluar përzgjedhjen e gjashtë kandidatëve për laborant në laboratorin e Mikrobiologjisë, në dy qendra rajonale në Ferizaj dhe Pejë, në Qendrën e Laboratorëve Testuese, si dhe një mostrues në ekologji humane, shkruan Gazeta Shneta.
Anulimi i këtij konkursi dhe procedurave të rekrutimit, vjen pas pyetjeve të Gazetës Shneta lidhur me procedurat e përzgjedhjes si dhe ankesës së një kandidateje në qendrën rajonale në Ferizaj.
“Lidhur me pytjet e parashtruar nga Gazeta Shneta, ju lutem I njoftoni se Komisioni për Shqyrtimin e Ankesave në IKSHPK pas shqyrtimit të ankeses nga kandidatja për poziten Teknik Laborant në QRSHP dega në Ferizaj, ka anuluar konkursin dhe procedurat për këtë pozitë”, thuhet në përgjigjen e Azem Gecit, drejtor i administratës në IKSHPK.
Kandidatja Rabije Hamiti-Meha ka adresuar ankesën e saj në Gazetën Shneta ku ka pretenduar se vlerësimi i saj nga komisioni gjatë intervistës me gojë nuk ka qenë i drejt. Ajo ka ngritur dyshime lidhur me mungesën e publikimit të emrave për intervistë me gojë të dy kundërkandidatëve të saj, si dhe komisioni vlerësues nuk e kishte vlerësuar diplomën e saj bachellor në Biologji Aplikative si dhe licencën nga Oda e Infermierëve si laborante e diplomuar. /Gazeta Shneta/
