Instituti Kombëtar i Shëndetësisë Publike të Kosovës ka publikuar raportin e ecurisë epidemologjikë të gripit sezonal në periudhën prej 1 Tetorit të vitit të kaluar, deri më 31 Janar të këtij viti.
Sipas këtij instituti, rastet janë raportuar nga të gjitha komunat e Kosovës, me përjashtim të komunave me popullatë sërbe, shkruan Gazeta Shneta.
“Numër më i madh i rasteve raportohet nga komuna e Prishtinës, Prizrenit dhe Podujevës por asnjëra nuk e kalon pragun epidemik. Në laboratorin e Qendrës kombëtare të gripit – IKSHPK deri më 31 janar 2018 janë testuar gjithsej 306 mostra të dyshimta në grip. Prej tyre 132 mostra kanë rezultuar pozitive: 44 mostra Influenza A, prej tyre 1rast A(H1)v dhe 87 mostra Influenza B prej të cilave 48 raste Influenza B tipi Yamagata.”, thuhet më tej në raportin e IKShPK.
Ndërkaq, Instituti Kombëtar ka rekomanduar që qytetarët të kenë kujdes dhe të mos dalin gjatë në ambiente të ftohta, të mos qëndrojnë në lokale të mbyllura me dendësi të madhe njerëzish dhe të përdorin sa më shumë lëngje të nxehta dhe vitamina.
Vaksina e gripit të tipit B nuk është e disponueshme në institucionet shëndetësore.
Megjithatë, tipi B Yamagata nuk shkakton shpërthime epidemike dhe është më pak i rrezikshëm se Gripi A./Gazeta Shneta/