Instituti Kombëtar i Shëndetit Publik ka njoftuar se në Kosovë është regjistruar rasti i parë i variantit afrikan të virusit Sars-Cov-2.
“Në laboratoret e Mikrobiologjisë të IKSHPK, në baza ditore testohen mesatarisht mijëra mostra në ditë. Nga mostrat e testuara në SARS-CoV-2, është konfirmuar edhe një rast me variantin afrikan të SARS CoV-2: South Africa (S.A) Lineage B.11351 (N501Y) (ËHO label: Beta)”, thuhet në njoftimin e IKSHPK-së, shkruan Gazeta Shneta.
Në njoftim bëhet e ditur se pacienti është i hospitalizuar dhe duke u trajtuar në Klinikën Infektive.
IKSHPK ka njoftuar se rasti është kontaktuar dhe po bëhet gjurmimi i kontakteve të tij.
“Masat parandaluese janë të njëjta. Personat të cilët rezultojnë pozitiv duhet të qëndrojnë në shtëpi për të parandaluar përhapjen në familje dhe në komunitet. Me zvogëlimin e kontakteve, do të mundësohet ndërprerja e përhapjes së infeksionit”, thuhet në njoftim. /Gazeta Shneta/