Ndërsa përdorimi i barnave GLP-1 për humbje peshe vazhdon të rritet, studiuesit po shqyrtojnë ndikimet e mundshme të këtyre medikamenteve në shëndetin e syve.
Studime të mëparshme kanë treguar një lidhje të mundshme midis GLP-1 dhe neuropatisë optike ishemike anterior non-arteritike (NAION), një gjendje që mund të çojë në humbje të shikimit.
Një studim i ri, i publikuar në “British Journal of Ophthalmology”, raporton se përdoruesit e Wegovy mund të jenë më të rrezikuar për zhvillimin e kësaj neuropatie optike, krahasuar me përdoruesit e GLP-1 të tjerë që bazohen në semaglutid.
Studiuesit gjetën gjithashtu se rreziku i ION është pothuajse tre herë më i lartë tek meshkujt se tek femrat, shkruan burimi Medical News Today transmeton Gazeta Shneta.
Për këtë studim, u analizuan raportet e efekteve anësore të padëshiruara të dërguara në sistemin FAERS të FDA-së midis dhjetorit 2017 dhe dhjetorit 2024.
Studiuesit u fokusuan tek tre barnat që përmbajnë semaglutid: Ozempic për diabet tip 2, Rybelsus për diabet tip 2 dhe Wegovy për obezitet, duke përfshirë miliona raporte incidentesh.
Nga analizat, u zbulua se megjithëse Ozempic kishte më shumë raporte totale, Wegovy ishte më fort i lidhur me ION, me rrezik pesë herë më të lartë sesa Ozempic.
Gjithashtu, meshkujt përdorues të Wegovy kishin gjasa më të mëdha për komplikacione të lidhura me ION krahasuar me femrat.
Këto zbulime sugjerojnë se ndërsa GLP-1 ofron përfitime për humbjen e peshës, përdoruesit duhet të monitorojnë kujdesshëm shëndetin e syve dhe të diskutojnë rreziqet me mjekun e tyre. /Gazeta Shneta/