Mjekët kanë zhvilluar një mikroçip të aftë për të detektuar brenda minutës infeksionet e syrit, përfshirë edhe ato që zhvillohen për shkak të bartjes së lentave.
Prototipi i pajisjes është i aftë për të matur bakteret e ndryshme si E.coli dhe pseudomonas me shpejtësi të madhe, duke mënjanuar nevojën për laborator ose përdorimin e antibiotikëve të ndjeshëm.
Inxhinierët janë duke punuar me oftamologët në Universitetin Hospital Southampton NHS Foundation Trust (UHS) për teste dhe ata tash janë duke planifikuar që të bëjnë një studim-pilot, ku do të përfshihen 30 pacientë, përfshirë testet në Afrikë dhe Azinë Jugore, transmeton KosovaPress.
Infeksionet në sy shkaktohen për shkak të rritjes së baktereve dhe mikroorganizmave si pasojë e kontaminimit të lenteve të kontaktit.
Në Britani të Madhe janë regjistruar gjashtë mijë raste të infeksionit të syrit çdo vit, ku shumica e tyre janë shkaktuar nga bartja e lenteve të kontaktit.