Në prill të vitit 2022, rastet me hepatit te fëmijët u identifikuan për herë të parë në Britaninë e Mdhe dhe Irlandën e Veriut. Vetëm një javë më vonë, Organizata Botërore e Shëndetësisë (OBSh) kishte raportuar 169 raste të hepatitit në më shumë se 12 shtete tjera.
Rritja e papritur dhe e ndjeshme e rasteve të hepatitit tek fëmijët i shtyu autoritetet shëndetësore në mbarë botën të hetojnë rastet dhe të përpiqen të përcaktojnë shkakun shkruan VeryWell Health, transmeton Gazeta Shneta.
Ndërkohë që nuk kishte prova të mjaftushme për të identifikuar një shkak, një mundësi që po eksplorohet është nëse rastet e hepatitit kanë lidhshmëri me Covid.
Hulumtimet e mëparshme nuk lidhën me rastet e hepatitis me Covid. Por, një studim i fundit sugjeron se mund të ketë një lidhshmëri.
Nëntë fëmijët me hepatit të identifikuar nga CDC kishin adenovirus në mostrat e tyre të gjakut, por jo Covid. Familja e viruseve është e zakonshme dhe shkakton gjëra të tilla si ftohja dhe syri rozë.
Në fillim të qershorit, një studim i botuar në Journal of Pediatric Gastroenterology and Nutrition raportoi pesë raste të pacientëve pediatrikë që u shëruan nga Covid, por më vonë zhvilluan dëmtim të mëlçisë ose hepatit me kolestazë.
Në këtë grup pacientësh, adenovirusi nuk u gjet në mëlçinë e fëmijëve, gjë që sugjeron se virusi nuk ishte shkaku i sëmundjes. Studiuesit menduan se problemet e mëlçisë mund të kishin qenë një reaksion imunitar post-infektiv i ngjashëm me MIS-C ose disrregullim imunitar nga infeksioni i mëparshëm me SARS-CoV-2.
Megjithatë, Michael Wilsey, MD, tha se “mund të jetë shumë herët për të thënë nëse një infeksion i mëparshëm me virusin Covid lidhet me rritjen e fundit të rasteve të hepatitit tek fëmijët me etiologji të panjohur”.
Edhe pse pesë rastet pediatrike paraqesin një hipotezë të re për rastet e pashpjegueshme të hepatitit, ajo nuk vendos një lidhje shkakësore. /Gazeta Shneta/