Infermieret i shkelin rregullat e spitalit, ia plotësojnë dëshirën e fundit të sëmurit në prag të vdekjes (Foto)

2017-04-11 në ora 18:27

Një njeriu në prag të vdekjes i është plotësuar dëshira e fundit që të thithë një cigare dhe të pijë një gotë verë të bardhë në një spital në Danimarkë.

Sipas një statusi në faqen zyrtare të spitalit “Aarhus “University” në rrjetin social “Facebook”, u mësua se Carsten Flemming Hansen, 75-vjeçar, vuan nga një sëmundje e pashërueshme. Ai u  pranua në këtë spital me sëmundjen “aortic aneurysm“ që shkakton gjakderdhje të brendshme, transmeton Express.

Infermieret në spitalin “Aarhus “University” vendosen që t’i shmangin rregulloret që e ndalojnë prijën e duhanit në hapësirat e spitalit dhe e dërguar Hansen me karrocë në ballkonin e spitalit, ku ai e thithi një cigare “Green LA” dhe piu një gotë verë të ftohtë duke e shikuar perëndimin e diellit bashkë me familjen e vet.

“Ishte një atmosferë e rehatshme dhe relaksuese”, ka thënë infermierja Rikke Kvist.

Duke shtuar: “Natyrisht që të afërmit e tij u preken nga fakti që ai do të vdesë, dhe u trishtuan.”

Statusi ka marrë plot 70.000 pëlqime, më shumë se 4.500 shpërndarje dhe mijëra komente./Express/