Një studente e infermierisë ka treguar sesi ajo arrin që të kombinojë detyrimet që ka në universitet me pasionin e saj për ushtrimet fizike.
Gjatë ditës Hannah Butler është një infermiere që po përgatitet për t’i dhënë dorën e fundit diplomës ndërsa në kohën e saj të lirë ajo fokusohet tek ushtrimet fizike që e kanë bërë kampione në “bodybuilding”.
21-vjeçarja nga Anglia ushtrohet të 6 ditët e javës dhe ndjek një regjim strikt të ushqimit dhe stërvitjes. Të gjitha këto ajo i bën me vendosmërinë për të qenë në formën më të mirë të mundshme.
Por, nuk përfundon me kaq, mes universitetit dhe stërvitjes, Hannah ka gjetur kohë që edhe të punojë me kohë të pjesshme si asistente në një palestër.
Përpara se të fokusohej tek muskujt, ajo ushtrohej vetëm për të mbajtur veten në formë.
