Policia ka bërë të ditur se në tri raste të ndara në Gjakovë janë gjetur 421 paketime me barna pa banderola
Rasti i parë ka ndodhur në rrugën “Anton Çeta” në Gjakovë mëngjesin e së enjtes ku njësia policore dhe inspektorët farmaceutikë kanë bërë kontrollimin e barnatores së të dyshuarës ku kanë gjetur dhe konfiskuar 244 paketime të llojeve të ndryshme të cilat kanë qenë pa banderola.
“Me vendim të prokurorit pas intervistimit i dyshuari është liruar dhe rasti shkon në procedurë të rregullt”, theksohet në raportin e policisë.
Në rastin e dytë i cili ka ndodhur në rrugën Konferenca e Bujanit, po ashtu në Gjakovë, njësia policore dhe inspektorët farmaceutik gjatë kontrollimit në një barnatore kanë gjetur dhe konfiskuar 110 paketime të llojeve të ndryshme të cilat kanë qenë pa banderola dhe nuk dihet prejardhja e produkteve.
Policia bën të ditur se me vendim të prokurorit, i dyshuari pas intervistimit është liruar dhe rasti shkon në procedurë të rregullt. Ndërkaq në rastin e tretë në rrugën Mic Sokoli në Gjakovë janë gjetur dhe konfiskuar 67 paketime të llojeve të ndryshme të cilat kanë qenë pa banderola dhe nuk dihet prejardhja e produkteve.
Me vendim të prokurorit, dyshuari është liruar pas intervistimit. /GazetaExpress