Mjeku nga Ferizaj, Dr. Vllaznim Fazliu, është pajisur me ultrazërin më të ri dhe më të avancuar në botë për imazhëri të përgjithshme për detektimin e problemeve shëndetësore, me theks të veçantë në mëlçi.
Dr. Fazliu, i cili vepron tek Ordinanca AURA, është pajisur me ultrazërin Logiq E10, i sapopromovuar në botë për analizim të detajuar ultrasonografik të organeve dhe pjesëve të tjera të trupit të njeriut.
Në një prononcim për Gazetën Shneta, Dr. Fazliu, ka deklauar se përmes këtij aparati ai do ta ketë më të lehtë të detektojë edhe problemet më të vogla shëndetësore të pacientëve, në veçanti të lidhura më mëlçi.
“Kjo pajisje ofron mundësi të jashtëzakonshme që ne mjekëve na lehtëson punën në gjetjen e zgjidhjeve edhe për problematikat më të ndërlikuara shëndetësore. Është kurorëzim i punës dhe një mundi shumë-vjeçar në shëndetësinë kosovare”, u shpreh Fazliu.
“Ndër të tjera, kjo pajisje ka metodën e Elastografisë ‘Shear Wave’ më të fundit dhe më të avancuar me kuantifikim për të detektuar dhe studiuar shkallën e fibrozës në mëlçi, teksa risia më e madhe është metoda UGAP – metodë e re që ndihmon në vlerësimin dhe kuantifikimin e nivelit të steatozës në mëlçi (yndyrës)”, shtoi tutje mjeku ferizajas.
Ky i fundit është i pari në Kosovë që ka aplikuar metodën e përdorimit të Elastografisë ‘Shear Wave’ qysh nga viti 2017, ndërsa nga tash e tutje do të përdorë edhe UGAP’in për të shtuar sigurinë dhe diagnostifikimin e saktë të problemeve në mëlçi. Të dy këto metoda janë aplikuar pas trajnimeve dhe certifikimeve të mundësuar nga ekspertë ndërkombëtarë. /Gazeta Shneta/
Falë Dr Vllaznimit, Spitali i Ferizajt fillon realizimin e gastroskopive