Ekspertët e shëndetit mendor po theksojnë se inteligjenca artificiale (AI) mund të luajë një rol gjithnjë e më të rëndësishëm në diagnostikim, monitorim dhe mbështetje psikologjike. Teknologjitë e reja po përdoren për të analizuar modele sjelljeje, të folurën dhe reagimet emocionale, duke ndihmuar profesionistët të identifikojnë më herët problemet e shëndetit mendor.
Sipas një analize të publikuara, specialistët paralajmërojnë se AI nuk duhet të zëvendësojë psikologët apo psikiatrët, por të shërbejë si mjet ndihmës. Artikulli thekson se përdorimi etik dhe i kontrolluar i teknologjisë është thelbësor për të ruajtur besimin dhe sigurinë e pacientëve, shkruan Newswise, transmeton Gazeta Shneta.
Një përfitim i madh i AI-së është mundësia për të zgjeruar qasjen në shërbime psikologjike, veçanërisht në zona ku mungojnë profesionistët e shëndetit mendor. Aplikacionet dhe platformat digjitale mund të ofrojnë mbështetje bazë dhe monitorim të vazhdueshëm për pacientët.
Megjithatë, ekspertët theksojnë se mbështetja njerëzore mbetet e pazëvendësueshme. Ndjeshmëria, empatia dhe marrëdhënia terapeutike janë elemente që teknologjia ende nuk mund t’i ofrojë plotësisht, ndaj kombinimi i AI-së me kujdesin tradicional shihet si zgjidhja më e balancuar.