Agjencia amerikane për ushqim dhe ilaçe (FDA) dha leje që IQOS, prodhim i gjigantit botëror ‘Filip Morris’, i cili e ngroh por nuk e djeg duhanin, mund të klasifikohet në kategorinë e produkteve të njohura si “produkte duhani me rrezik të modifikuar” (MRTP), si dhe lejohet të informohen konsumatorët për zvogëlimin e ekspozimit të materieve të dëmshme, gjatë përdorimit të kësaj pajisjeje, gjithmonë në pajtim me promovimin e shëndetit publik.
IQOS është i pari dhe i vetmi prodhim elektronik i cili shfrytëzon nikotinë të cilën kjo Agjenci e njohur në fushën e shëndetit publik, e klasifikoi në kategorinë “produkt me rrezik të modifikuar”, duke dhënë këto sqarime:
– IQOS e ngroh dhe nuk djeg duhanin;
– përdorimi i kësaj pajisje dukshëm i zvogëlon prodhimet e dëmshme dhe kimikalet potencialisht të dëmshme.
– kërkimet shkencore vërtetojnë se nëse bëhet kalimi nga përdorimi i cigareve tradicionale në IQOS, zvogëlohet ekspozimin i trupit ndaj dëmeve nga materive të rrezikshme dhe potenciale të rrezikshme.
Aleksandar Jakovljeviq, drejtor ekzekutiv i ‘Filip Moris’ për Evropën Juglindore tha se “Ky vendim nga FDA paraqet zbulim historik në fushën e shëndetit publik. Kjo shumë me rëndësi ndikoi në rritjen e konsensusit shkencor se IQOS është zgjedhja më e mirë se sa të vazhdohet më pirjen e duhanit”.
Ai gjithashtu shtoi se IQOS është ndryshim rrënjësor nga cigaret tradicionale dhe për këtë duhet të ketë ndryshim të kornizës ligjore.
Bashkëpunimi midis qeverive dhe organizatave që kujdesen për shëndetin publik, dhe demonstrimin e këtij rasti në SHBA, do kontribuojë për kalim të shpejtë të pirësve të duhanit në moshë madhore, drejt produkteve që janë zgjedhje më e mire për shëndetin e tyre. Megjithatë, versioni më i mirë i cili nuk shkakton asnjë rrezik , është ai i mos konsumimit të duhanit. Në të kundërtën si mundësi më e sigurtë është ajo e përdorimit të prodhimeve të sigurta, të kontrolluara dhe të bazuara në shkencë.
Më 31 mars të këtij viti 10,6 milionë duhanpirës në gjithë botën kanë hequr dorë nga cigaret tradicionale dhe kanë kaluar në IQOS, deklaroi Jakovleviq duke shtuar se inovacionet si kjo mund të ndikojë që gradualisht të zvogëlohet numri i përdoruesve të cigares tradicionale, e që është një shans që nuk duhet të anashkalohet.
Ky vendimi i Agjencisë Amerikane për Ushqim dhe Barna vijoj pas një analize rigoroze të përgjithshme nga ana e Agjencisë dhe një dokumentacioni vëllimor shkencor të cilin kompania e dorëzoi në Dhjetor të viti 2016. Këtij vendimi iu bashkëngjit dhe leja nga ana e FDA në Prill të vitit 2019 ku dhe u lejua komercializimi i IQOS në tregun amerikan.