Hulumtimi nga Universiteti i Londrës Queen Mary’s, siguron provat e para që tregojnë se grimcat toksike mund të kalojnë nga mushkëritë e nënës tek placenta.
Ekspozimi ndaj ndotjes së ajrit mund të shkaktojë një numër problemesh, si lindja e parakohshme, pesha e ulët e foshnjes dhe probleme me frymëmarrjen shkruan BellyBelly, transmeton GazetaShneta.
“Një raport nga UNICEF tregon se 2 miliardë fëmijë jetojnë në mjedise që përmbajnë nivele toksike të ndotjes së ajrit”
Procedura e studimit
Studiuesit shikuan placentat e pesë grave shtatzëna që jetonin në Londër.Gratë, nuk ishin duhanpirëse dhe kishin kaluar një shtatzëni pakomplikime.
Studiuesit studiuan 3,500 makrofagë (qeliza që përbëjnë pjesë të sistemit imunitar; përfshijnë materiale të dëmshme) nga pesë placentat.
Dr. Norrice Liu, pediatër, tregoi përfundimin e studimit:
“Rezultatet tona japin provat e para që grimcat e ndotjes të thithura nga nëna, mund të lëvizin nga mushkëritë e të shkojnë më pas tek placenta.Nuk dihet nëse grimcat mund të lëvizin deri tek fetusi, por dëshmitë tona sugjerojnë se kjo mund të jetë e vërtetë”, shtoi Liu./GazetaShneta/