Ministri në detyrë i shëndetësisë Uran Ismaili është rikthyer me vizita dhe përurime në Qendrën Klinike Universitare, pas një pauze disa javëshe pas zgjedhjeve të 6 tetorit.
Ismaili ka marr pjesë në përurimin e renovimit të Klinikës së Biokimisë e cila udhëhiqet nga zyrtari i Partisë Demokratike të Kosovës, Dr. Shemsi Veseli. Kujtojmë se Veseli ka qenë edhe anëtar i Bordit Drejtues të SHSKUK-së, shkruan Gazeta Shneta.
Veseli ka thënë se tani janë plotësuar parakushtet që Laboratori i Biokimisë të akreditohet edhe në federatat ndërkombëtare.
“Një tjetër ditë e rëndësishme për sektorin e shëndetësisë. Klinika e Biokimisë, aty ku kryhen të gjitha analizat mjekësore, është transformuar rrënjësisht. Përmes këtij investimi do të rritet cilësia, siguria dhe vëllimi i punës”, ka thënë ministri Ismaili.
Drejtori i ShSKUK-së, Basri Sejdiu, ka thënë se përmes këtij investimi është bërë një tjetër hap i rëndësishëm për avancimin e shërbimeve mjekësore për qytetarët tanë. /Gazeta Shneta/