Të gjithë italianëve ka të ngjarë t’u ofrohen vaksina përforcuese kundër koronavirusit për të ndihmuar në frenimin e përhapjes së varianteve të reja, tha një zyrtar qeveritar të martën.
“Ka shumë të ngjarë që një dozë e tretë të jetë e nevojshme për të gjithë,” tha zëvendësministri i Shëndetësisë Pierpaolo Sileri për burimin Radio Capital, shkruan MedicalxPress përcjell Gazeta Shneta.
Italia, fillimisht do të rekomandojë vaksinat përforcuese për pacientët me kushte të rënda mjekësore, njerëzit mbi 60 vjeç dhe punonjësit e shëndetësisë.
“Unë mendoj se pjesa tjetër e popullsisë do të fillon imunizimin me dozën e tretë nga muaji janari,” tha Sileri.
Italia ka qenë një nga vendet më të prekura nga pandemia e koronavirusit, me gati 132,000 vdekje të raportuara që nga muaji shkurt 2020.
Për të rritur normat e vaksinimit, autoritetet e Romës kanë miratuar tashmë një nga regjimet më të rrepta anti-COVID në botë, me certifikata të detyrueshme të koronavirusit për të gjithë punëtorët.
Certifikatat janë të disponueshme për të gjithë ata që janë vaksinuar ose shëruar së fundmi nga COVID-19, por mund të merren edhe duke marrë një test negativ, me shpenzimet e vetë punonjësit. /Gazeta Shneta/