Sipas Kathleen Doheny, reportere në portalin “Health”, nuk duhet në asnjë mënyrë të lidhni fëmijën tuaj ndërsa fle, kjo pasi mund të rritet ndjeshëm rreziku ndaj SIDS (Sindromi i vdekjeve të papritur te foshnjat), duke u bërë edhe më i madh nëse do ta vendosni të flejë mbi stomak.
Cila është mënyra që zakonisht nënat lidhin një bebe?
Kjo bëhet në mënyra të ndryshme, por kryesisht kjo procedurë i referohet mbështjelljes së bebes me një çarçaf apo batanije. Megjithatë, studimet tregojnë se pavarësisht mënyrës së lidhjes së bebes rreziku që ai të preket nga SIDS do të rritet me 50-60%.
Këtë e pranon edhe mjeku Rachel Moon, njëkohësisht edhe profesor në fushën e pediatrisë në Universitetin e Virxhinias. Sipas Moon rreziku do të jetë edhe më i madh nëse fëmija do të shkojë në moshën 6 mujore, kjo pasi ata janë në gjendje të kthehen përmbys duke filluar nga muaji i 4 (në më të shumtën e rasteve).
Këtë e tregojnë shumë studime të tjera, ku sipas tyre ky është shkaku kryesor i vdekjes së fëmijës nën moshën 1 vjeçare, gjë e cila është provuar edhe nëpërmjet autopsive.
Është shumë me rrezik edhe të fjeturit me fëmijën në një krevat ndërsa ai është i lidhur. Disa prej tyre këshillojnë që nëse do të lidhet fëmija të qëndrojë nën vëzhgimin e nënës, mundësisht në krahët e saj.
Ky studim u publikua në edicionin e 9 të gazetës “Pediatrics”. /pernenat