Pas ngjarjes së rëndë që kishte ndodhur një ditë më parë në qytetin e Durrësit, ku një vajzë 7 vjeçare humbi jeten në spital, prononcohet për media sot shefi i Pediatrisë, Fatmir Shahini.
Sipas tij ndihma e duhur ishte dhënë por, fëmija ishte në gjendje të rëndë virale, prandaj nuk mundi të mbijetojë.
“Forma toksike është forma e rëndë, por ne nuk kemi thënë për formë toksike, por për një formë virale të rëndë, dyshojmë, por që nuk mund ta vërtetojmë, për formë toksike, helmuese. Presim ekspertizën të dalë, por dimë me siguri që gjendja e rëndë virale na çoi në këtë situatë të rëndë”, tha mjeku.
Cilat ishin shkaqet e vdekjes?
Me të vërtetë një vajzë 7 vjeçe humbi jetën pasi disa orës në spitalin e Pediatrisë së Durrësit, pas një terapie intensive, me një ekip që u angazhua totalisht për t’i dhënë jetë, por që nuk u arrit. Sipas spitalit, arsyeja është një gjendje virale. Është ngritur një grup ekspertësh nga ministria për të dalë në një konkluzion përfundimtar.
”Pasi kishte pësuar një gjendje lipotimie, gjendje të fiktë, familjarët e sjellin fëmijën në spital. Iu dha menjëherë ndihma, u thirr dhe ekipi ndihmës, erdha dhe unë, mjeku reanimator, por gjendja ishte shumë e rëndë, shtoj më tutje Shahini. ”Nuk dimë gjë ekzakt për këtë punë, por familjarët na raportuan që fëmija kishte mbi 3-4 ditë me temperaturë shumë të lartë.”
”Ju bëjmë thirrje prindërve të kujdesen për fëmijët, sidomos kur janë me temperaturë. Përjashtojmë rastet kur fëmija ka qenë para dy ditësh te mjeku, rëndohet gjatë natës, ai vjen dhe merr shërbimin tonë gjatë gjithë kohës. Këtu do na vijnë raste mesatarisht të lehta, ose të lehta, i ftojmë të gjithë qytetarët të mos vijnë te ne, sepse i hanë kohën fëmijëve që janë të sëmurë rëndë.” përfundoi Shahini. / Gazeta Shneta