Aktorja dhe moderatorja e njohur, Jonida Vokshi, e ftuar në emisionin ‘You&Me’ në Energy Radio, ka treguar për eksperiencat e bukura dhe të çuditshme që po ia sjell shtatzënia.
Ndër tjerash, ajo tregon edhe për vështirësitë e përjetuara gjatë xhirimeve të filmit të fundit ‘Open Door’, të cilës iu është dashur ta mbulonte barkun me silikon artificial, duke qëndruar me të një muaj para xhirimeve.
“Mu desh, me barkun silikon (artificial), të qëndroja me të për një muaj edhe para xhirimeve. Më duhej ta mbaja në gjumë, në tualet, të vishesha, në çdo proçedurë të jetës së përditshme dhe mu bë si pjesë e imja. Mësova të lidhja dhe këpucët… Dhe madje kur e hoqa (barkun) pas xhirimeve, ndieja sikur diçka më mungonte, dhe nga kjo më lindi dëshira.”, ka treguar duke qeshur moderatorja.