Një studim i ri sugjeron se kafeina mund të ndikojë negativisht në cilësinë e gjakut të dhuruar dhe në efektivitetin e transfuzioneve të ardhshme.
Studiuesit raportojnë në revistën “Haemotologica”, se qelizat e kuqe të gjakut janë më të ndjeshme ndaj dëmtimit gjatë ruajtjes kur nivelet e kafeinës janë të larta, shkruan Health Day transmeton Gazeta Shneta.
Rezultatet treguan gjithashtu se transfuzionet e gjakut me kafeinë çuan në rritje më të ulët të hemoglobinës tek pacientët – proteina përgjegjëse për transportin e oksigjenit dhe largimin e dioksidit të karbonit. Në të njëjtën kohë, u vunë re më shumë shenja dëmtimi të qelizave të kuqe të gjakut tek pacientët e transfuzionuar.
Rreth 75% e amerikanëve konsumojnë rregullisht kafeinë, duke ngritur shqetësime për cilësinë e furnizimit me gjak në SHBA.
Studimi përfshiu mbi 13,000 dhurues gjaku, dhe efektet negative të kafeinës ishin më të dukshme tek personat që mbajnë variante të gjeneve ADORA2B, të cilat ndikojnë në funksionimin e qelizave të kuqe në kushte të ulëta oksigjeni.
Aktualisht disa vende europiane rekomandojnë kufizimin e kafeinës para dhurimit, ndërsa në SHBA kjo nuk praktikohet gjerësisht. Përkundër kësaj, kafeina mund ta lehtësojë marrjen e gjakut duke rritur presionin e gjakut dhe zgjeruar enët, por gjithashtu ka efekt diuretik dhe mund të favorizojë dehidratimin.
Studiuesit sugjerojnë se shmangia e kafeinës para dhurimit mund të përmirësojë cilësinë e gjakut. /Gazeta Shneta/