Një filxhan kafe në mëngjes apo një filxhan çaji pasdite mund të ofrojnë më shumë se thjesht energji dhe relaks – ato mund të ndihmojnë edhe në mbrojtjen kundër kancerit.
Një rishikim i ri shkencor, i publikuar në revistën “Cancer”, tregon se konsumimi i rregullt i kafesë dhe çajit lidhet me një rrezik më të ulët për kanceret e gojës, fytit, kokës dhe qafës, raporton Health Day përcjell Gazeta Shneta.
Sipas autores kryesore të studimit, Yuan-Chin Amy Lee, epidemiologe në Universitetin e Utah, edhe kafeja pa kafeinë tregoi efekte mbrojtëse.
Kanceri i kokës dhe qafës është i shtati më i përhapur në botë, me rreth 745 mijë raste të reja dhe 364 mijë vdekje vetëm në vitin 2020. Studimi analizoi të dhëna nga 14 kërkime të mëparshme që përfshinin mbi 9,500 persona me kancer dhe 16,000 persona të shëndetshëm.
Rezultatet treguan se ata që pinin më shumë se katër filxhanë kafe në ditë kishin:
– 17% më pak gjasa të zhvillonin kancer të kokës dhe qafës,
– 30% më pak për kancer të gojës,
– 22% më pak për kancer të fytit.
Pirja e 3–4 filxhanëve kafe në ditë uli me 41% rrezikun e kancerit hipofarangeal, ndërsa çaji me 29%. Edhe kafeja pa kafeinë lidhej me 25% rrezik më të ulët për kancerin e gojës.
Sipas kërkuesve, përbërësit bioaktivë të kafesë mund të ndalojnë proceset biologjike që nxisin zhvillimin e qelizave kancerogjene. /Gazeta Shneta/