Bordi Drejtues i Shërbimit Spitalor dhe Klinik Universitar të Kosovës (ShSKUK) ka mbajtur një mbledhje të dedikuar Muajit Rozë, muajit të vetëdijesimit për luftën kundër kancerit të gjirit.
Në këtë mbledhje Violeta Zatriqi, drejtoreshë e Klinikës së Kirurgjisë Plastike, njoftoi se janë kryer 140 operime gjatë kësaj periudhe.
“Fillimisht vendoset një ekspander indor, i cili më pas zëvendësohet me implant, duke përfshirë edhe muskujt për mbështetje dhe rezultate më natyrale.” thuhet në njoftimin e SHSKUK-së.
Sipas të dhënave të prezantuara në mbledhje, gjatë nëntë muajve të parë të këtij viti në Klinikën e Kirurgjisë Plastike janë kryer 140 ndërhyrje rikonstruktive të gjirit, shkruan Gazeta Shneta.
Në Klinikën e Kirurgjisë Torakale janë realizuar 230 operacione gjiri, përfshirë 74 sentinell, 58 kirurgji kuruese dhe 140 biopsi eksicionale.
Drejtoresha e Klinikës së Radiologjisë, Shkëndije Nuza, ka bërë të ditur se për nëntë muaj janë kryer 1200 mamografi, 1975 eho gjiri, 480 rezonanca gjiri dhe 230 biopsi.
Gjithashtu në këtë mbledhje, ShSKUK ka nderuar me mirënjohje znj. Nafije Latifi, kryetare e Shoqatës “JETA/VITA”, për kontributin e saj mbi dy dekada në mbështetje të grave me kancer të gjirit./Gazeta Shneta/
LEXO EDHE: