Kanceret me fillim të hershëm—ato që prekin të rriturit nën moshën 50 vjeç—po diagnostikohen gjithnjë e më shpesh në vende të ndryshme të botës.
Të paktën 17 lloje të kancerit janë në rritje te amerikanët më të rinj.
Sipas Shoqatës Amerikane të Kancerit, numri i rasteve të diagnostikuara me këto kancere tek individët nën moshën 55-vjeç u rrit me 1% deri në 2% çdo vit nga viti 2015 deri më 2019.
Krahasuar me njerëzit e lindur rreth vitit 1950, ata të lindur rreth vitit 1990 kanë dyfish rrezik për të zhvilluar kancer të zorrës së trashë, shkruan burimi Health përcjell Gazeta Shneta.
Çfarë po e nxit këtë prirje?
Studiuesit nuk e dinë saktësisht. Por një studim i botuar së fundmi në revistën “Nature”, tregon një mundësi të re: ekspozimi në fëmijëri ndaj një toksine bakteriale të quajtur kolibaktinë.
Si lidhet kolibaktina me kancerin me fillim të hershëm?
Kolibaktina prodhohet nga baktere që ndodhen zakonisht në sistemin tretës, përfshirë disa lloje të E. coli. Studimet e mëparshme vlerësojnë se rreth 20% e njerëzve të shëndetshëm—dhe madje 31% e foshnjave—kanë në zorrë E. coli që prodhon kolibaktinë.
Kjo toksinë dihet se dëmton ADN-në, dhe studime të mëparshme kanë sugjeruar që mutacionet e lidhura me kolibaktinën kontribuojnë në disa raste të kancerit kolorektal. /Gazeta Shneta/