Fondacioni Humanitar i Gazës (GHF) ka njoftuar se 20 palestinezë janë vrarë mëngjesin e sotëm në një shtypje masive në turmë, gjatë shpërndarjes së ndihmave në Khan Younis.
Sipas The Times of Israel, fondacioni ka fajësuar disa agjentë të armatosur të lidhur me Hamasin për nxitjen e trazirave.
Grupi, i mbështetur nga Izraeli dhe SHBA, ka bërë të ditur se 19 persona janë shkelur për vdekje ndërsa një tjetër është therrur me thikë, “në një valë kaotike dhe të rrezikshme, e nxitur nga agjentë provokatorë brenda turmës.”
“Kemi arsye të besueshme për të thënë se elementë brenda turmës – të armatosur dhe të lidhur me Hamasin – kanë nxitur qëllimisht trazirat,” ka deklaruar GHF, duke shtuar se për herë të parë që nga fillimi i operacioneve janë identifikuar armë zjarri të shumta mes turmës.