Kardiologu Ahmeti: Vaksina AZ e sigurt, komplikimet janë minimale dhe të papërfillshme

2021-04-05 në ora 09:21

Kardiologu i Qendrës Klinike Universitare Artan Ahmeti, ka deklaruar se vaksina Astra Zeneca është e sigurt dhe efektet e saj janë minimale dhe të papërfillshme.

Dhjetëra vende kanë pezulluar përkohësisht përdorimin e vaksinës AstraZeneca kundër Coronavirusit.  Kjo ka ndodhur pas raporteve se disa persona kanë pësuar mpiksje gjaku, pas vaksinimit. Por, sipas Ahmetit komplikimet janë minimale dhe të papërfillshme.

“Ka pasur dilema, por përndryshe Organizata Botërore e Shëndetësisë ka dhënë sqarime se vaksina është e sigurt dhe komplikimet janë shumë minimale dhe të papërfillshme”.

Ahmeti i cili është edhe menaxher i Infektives 2 në Mjekësinë Sportive, ka folur për gjendjen e kësaj njësie në lidhje me furnizimin me oksigjen.

“Në Klinikën Covid 2 nuk kemi pasur asnjëherë probleme me oksigjen dhe të gjithë pacientët e hospitalizuar janë të kyçur në oksigjen qendror”, tha ai për EO.