Nëse jeni në mesin e atyre prindërve me një fëmijë të djersitur, atëherë ju e dini ndjesinë e ndërrimit të fëmijës tuaj sa herë që zgjohet i lagur me djersë.
Këshillë: duket shqetësuese dhe e frikshme, por, në shumicën e rasteve, kjo është krejtësisht normale, transmeton Gazeta Shneta.
Më poshtë, gjenden disa nga arsyet përse bebet djersijnë gjatë natës.
1. Fëmija juaj kalon më tepër kohë në gjumë të thellë
Foshnjet kalojnë nëpër fazat më të thella të gjumit më shumë se sa fëmijët dhe të rriturit. E derisa janë në këtë fazë të gjumit, ata nuk lëvizin aq shumë sa të rriturit dhe, si rezultat, ata djersisin më shumë.
2. Gjëndrat e djersës së foshnjave ndodhen kryesisht në kokë
Bebet, ndryshe nga të rriturit, gjëndrat e të djersiturit i kanë në pjesën e kokës, që i bën ata të djersisin më shumë gjatë natës.
3.Kontrolloni temperaturën e dhomës
Temperatura e dhomës e rehatshme për foshnjën është shumë e rëndësishme, pasi që temperaturat e larta mund t’i shkaktojnë djersitje gjatë natës.
4. Fëmija ka një gjendje shëndetësore
Djersitjet gjatë natës tek fëmijët janë shumë të zakonshme dhe zakonisht nuk janë asgjë për t’u shqetësuar. Megjithatë, duhet të jeni në kërkim të simptomave të tjera që shoqërojnë fëmijën tuaj, pasi ato mund të jenë tregues i një gjendjeje shëndetësore që mund të ketë nevojë për trajtim mjekësor, që nënkupton:
Apnea e gjumit – zakonisht prek foshnjat me lindje të parakohshme dhe është një shkak i zakonshëm i djersitjeve të natës. Ajo shoqërohet me ndërprerje të frymëmarrjes deri në 20 sekonda, duke i dhënë ngjyrë të kaltër lëkurës.
Sëmundja kongjenitale e zemrës – nëse fëmija juaj djersitet shumë gjatë natës, si dhe gjatë orëve të ngrënies dhe lojërave, mund të ekzistojë shansi ta ketë sëmundjen kogjentiale të zemrës.
Hiperhidrimi – Kjo gjendje shëndetësore shoqërohet me kokë të djersitur, si dhe me duar dhe këmbët e djersitura tek foshnja. Hiperhidrimi nuk është me të vërtetë asgjë serioze, pasi që lehtësisht mund të menaxhohet me ndihmën e prindit dhe pediatrit.
SIDS – një nga arsyet më të zakonshme për sindromën e vdekjes së papritur të foshnjave (SIDS) është djersitja. Kjo është një situatë në të cilën fëmija bie në një gjumë shumë të thellë, gjë që e bën shumë të vështirë për t’u zgjuar./Gazeta Shneta/