Nuk mund të mbani sytë hapur gjatë ditës? Kjo mund të jetë arsyeja.
Shumë prej nesh janë më të rraskapitur se kurrë këto ditë. Një studim i gushtit 2021 zbuloi se deri në 20 për qind e pacientëve që vizitojnë një ofrues të kujdesit parësor raportojnë lodhjen si ankesën e tyre kryesore, shkruan burimi Best Life transmeton Gazeta Shneta.
Orët e gjata të punës, shumë kohë e kaluar në ambiente të mbyllura, koha e tepërt para ekranit dhe mungesa e ushtrimeve mund të kontribuojnë në ndjenjën e lodhjes së tepërt.
Megjithatë edhe përmbajtja e disa llojeve të barnave mund të jetë gjithashtu fajtor.
Barnat përshkruhen për një arsye, por nëse jeni duke përjetuar përgjumje gjatë ditës, ia vlen të flisni me mjekun ose farmacistin tuaj nëse ka alternativa që mund të funksionojnë po aq mirë, pa lodhje.
Antihistaminikët
Siç sugjeron emri, antihistaminet punojnë për të bllokuar histaminën – një neurotransmetues kimik i çliruar nga qelizat në përgjigje të reaksioneve alergjike, të cilat mund të shkaktojnë kruajtje dhe acarim.
Këto medikamente përdoren zakonisht për alergjitë sezonale, kongjestion nazal, urtikarie dhe skuqje.
Por ata janë gjithashtu të mira për t’ju ndihmuar të dremoheni – aq shumë sa të njëjtat përbërës aktivë shpesh përfshihen në produktet e gjumit dhe barnat kundër alergjive.
Antidepresantët
Barnat kundër depresionit janë ndër medikamentet më të përshkruara, dhe për arsye të mirë.
Frenuesit e rimarrjes së serotoninës (SSRIs), janë barna që ndryshojnë jetën dhe ndihmojnë në trajtimin e depresionit dhe ankthit duke rregulluar serotoninën – kimikatin “të ndjeheni mirë” në tru që luan një rol kritik në gjumë, humor dhe emocione.
Por plogështia dhe lodhja janë efekte anësore të zakonshme.
Relaksuesit muskulor
Kushdo që ka duruar spazma muskulore ose ka përjetuar dhimbje kronike të muskujve, e di se relaksuesit e muskujve mund të jenë një dhuratë nga perëndia.
Por ndërsa këto medikamente ofrojnë lehtësim dhimbje për ata që kanë nevojë, shumë njerëz që kanë të bëjnë me dhimbje akute të qafës ose shpinës nuk janë të vetëdijshëm se relaksuesit e tyre të muskujve mund të shkaktojnë përgjumje dhe lodhje.
“Mekanizmi i saktë se si relaksuesit e muskujve shkaktojnë përgjumje është i panjohur në një masë të caktuar”.
“Ne e dimë se barnat që shkaktojnë përgjumje e bëjnë këtë duke punuar në zona të veçanta të trurit ose në disa receptorë për hormonet ose kimikatet brenda trurit që mund të na shkaktojnë lodhje. Besohet se relaksuesit e muskujve që shkaktojnë qetësimin ndërveprojnë disi me serotoninën”.
Beta-bllokuesit
Për shkak se beta-bllokuesit punojnë për të ulur rrahjet e zemrës dhe për të rregulluar presionin e gjakut, shumë përdorues raportojnë se ndihen më të rraskapitur dhe të përgjumur se zakonisht.
“Beta-bllokuesit janë të përfshirë në aktivitete të tilla si ngadalësimi i ritmit të zemrës dhe ulja e presionit të gjakut”, shprehet Dr. Laura Purdy, mjeke familjare.
“Këto medikamente nuk janë qetësuese, por mund ta bëjnë dikë të ndihet i lodhur dhe i përgjumur duke ngadalësuar ritmin e zemrës”.
Flisni me ofruesin tuaj të kujdesit shëndetësor, mjek ose farmacist, nëse keni shqetësime për medikamentet tuaja dhe pyesni për mënyrat për të reduktuar efektet anësore të përgjumjes, ose nëse ka një bari tjetër që mund të funksionojë më mirë për ju. /Gazeta Shneta/