Të gjashtë fëmijët e një çifti britanez e kanë ditëlindjen në 28 shkurt. Por ajo që është më interesante është fakti se ata kanë 3 çifte binjakësh.
Binjakët e parë dhe të dytë ata i kanë adoptuar, ndërsa në 2016 lindën fëmijët e tyre biologjikë, edhe ata binjakë.
Të 6 fëmijët kanë lindur në të njëjtën ditë, më 28 shkurt dhe familja atë ditë bën një festë të madhe.
Çifti i parë i binjakëve ka lindur në vitin 2013, të dytët në 2014 dhe fëmijët e tyre biologjikë në 2016.
“Pa marrë parasysh se si festohet, ditëlindja e fëmijëve do të jetë përgjithmonë e veçantë në zemrat tona”, tha babai I fëmijëve.
Ai gjithashtu theksoi se sa e mrekullueshme është të adoptosh fëmijë dhe inkurajon të gjithë të hapin zemrat dhe shtëpitë për tu bekuar me fëmijë që kanë nevojë për familje.