Ju vjell foshnja? Mamia Razije Musa ka disa këshilla për ju

2018-06-06 në ora 20:33

Mamia Razije Musa, nëpërmjet një postimi në llogarinë e saj në “Facebook”, ka treguar dallimin kryesor në mes të vjellurave dhe të refluksit, njofton Gazeta Shneta.

“Dallimi mes të vjellures normale dhe refluksit është se te e vjellura normale beba pas dy javësh fillon të shtojë peshë, beba vjell pas pirjes apo gogësimës apo nëse e shtrini në bark ose shpinë”, shkruan mamia në postimin e saj.

Ndërkaq, për refluksin, ajo thotë se shkaktohet nga aciditeti i lukthit, i cili përcjellet nëpërmjet simptomave, si: gogësima dhe vjellja e menjëhershme dhe plasja e të qarave pasi ushqehet foshnja, sidomos nëse vendoset në pozitën horizontale.

Ndonëse , për gjendjen e refluksit, ajo thotë se e përcakton mjekun, profesionistja shëndetësore rekomandon që nënat të kenë kujdes me disa ushqime.

“Nanat gjidhënëse duhet të kenë kujdes me dieten dhe ushqimet me acid, nëse fëmija ka refluks të keni kujdes sidomos me lakrën, domaten, hudhrën, fasulen,mëlmesat, erëzat djegëse dhe prodhime të qumësht”, rekomandon ekspertja e shëndetit të fëmijëve.