Shërbimi Spitalor Klinik Universitar i Kosovës ka publikuar rezultatet e verifikimit paraprak të kandidatëve që kanë aplikuar për disa pozita drejtuese në kuadër të institucioneve shëndetësore nën menaxhimin e tij.
Sipas njoftimit, për pozitën e Drejtorit të Qendrës Kombëtare të Mjekësisë Sportive, kandidati Afrim Shabani i ka plotësuar kriteret e konkursit, shkruan Gazeta Shneta.
Për pozitën e Drejtorit të Qendrës Kombëtare të Telemjekësisë, kriteret i ka plotësuar kandidati Blerim Berisha.
Ndërkaq, për pozitën e Drejtorit të Qendrës Kombëtare të Mjekësisë së Punës, kriteret i kanë plotësuar Shpejtim Skivjani, Myhidin Shehu dhe Lendita Berisha.
Për pozitën e Drejtorit të Qendrës së Shëndetit Mendor në Prishtinë, kriteret i kanë plotësuar Brilant Krasniqi, Besnik Ahmeti, Burim Meta dhe Naim Asllani. Ndërsa kriteret nuk i kanë plotësuar Behare Huçaj, Fatime Bedrolli, Remzije Makolli Ahmeti, Kushtrim Salihu dhe Dren Sejdiu.
Për pozitën e Drejtorit të Qendrës së Shëndetit Mendor në Pejë, kriteret i ka plotësuar kandidati Nusret Pepaj.
Ndërkohë, për pozitën e Drejtorit të Qendrës së Shëndetit Mendor në Gjakovë, kriteret i ka plotësuar kandidati Gazmend Hoti.
Në pozitën për Udhëheqës të Divizionit për Kontrollin e Infeksioneve Spitalore dhe Rezistencës Antibakteriale, kriteret i kanë plotësuar Arbëresha Berisha, Jehona Krasniqi Zhuti, Flaka Bytyqi dhe Demush Bajraktari, ndërsa Edona Bici nuk i ka plotësuar kriteret.
Për pozitën e Udhëheqësit të Divizionit për Konteste Ligjore, kriteret i kanë plotësuar Hasan Mustafa, Dibran Zogaj, Blerim Maxhuni, Muhamet Krasniqi, Ermira Rudari dhe Vlora Selimi.
Në konkursin për pozitën e Udhëheqësit të Divizionit për Komunikim me Publikun, sipas listës së publikuar nga SHSKUK, asnjëra nga kandidatët Albulenë Kryeziu Krasniqi dhe Albionë Zhitia Agaj, nuk i kanë plotësuar kriteret.
Ndërkaq, për pozitën e Udhëheqësit të Divizionit për Shërbime të Përgjithshme dhe Logjistikë, kriteret i kanë plotësuar Arsim Neziri, Ariana Zeqiri, Ardita Kurtolli, Driton Kaloshi dhe Merita Shatrolli.
SHSKUK ka bërë të ditur se lista është rezultat i verifikimit paraprak të aplikacioneve, ndërsa procedurat e mëtejshme të rekrutimit do të zhvillohen sipas afateve dhe rregullave të përcaktuara në konkurs./Gazeta Shneta/