Presioni i lartë i gjakut është shpesh një gjendje pa simptoma duke e bërë atë edhe më të rrezikshëm pasi kur shenjat janë të dukshme shpesh është tepër vonë.
Ndjenja e një dhimbjeje në zonën e gjoksit ose një ndjesi e përplasjes që ndihet në vesh mund të jenë shenja të hershme të kësaj gjendje shkruan Express.co.uk përcjell Gazeta Shneta.
Presioni i lartë i gjakut i cili njihet edhe si hipertension vendos stres shtesë në enët e gjakut dhe organet vitale. Është një gjendje e zakonshme që prek më shumë se një të katërtën e të gjithë të rriturve në Mbretërinë e Bashkuar.
Të kesh një dhimbje në gjoks ose të përjetosh një ndjesi goditjeje mund të tregojë se mund të jeni në rrezik të presionit të lartë të gjakut dhe duhet të kontrolloni menjëherë.
Nëse presioni i gjakut i një personi është jashtëzakonisht i lartë, mund të ketë disa simptoma paralajmëruese për t’u parë, duke përfshirë dhimbje koke, lodhje ose konfuzion, dhimbje gjoksi, rrahje të çrregullta të zemrës, gjak në urinë ose një ndjesi goditjeje të ndjerë në qafë, gjoks ose veshë.
Nëse një person ka një ndjesi pulsimi ose rrahjeje në veshët e tij ose në gjoks kur nuk është bërë asnjë ushtrim ose sforcim, kjo mund të tregojë një presion të lartë të gjakut.
Dhimbje gjoksi
Dhimbja e gjoksit gjithmonë duhet të merret seriozisht, pavarësisht nëse dyshoni se mund të jetë presion i lartë i gjakut.
Çdo dhimbje gjoksi duhet të vlerësohet nëse është agonizuese dhe dërrmuese apo e lehtë dhe me ndërprerje.
Ekspertët e shëndetit paralajmërojnë që kurrë të mos supozojmë se dhimbja e gjoksit është thjesht urth ose tretje; dhimbja në gjoks mund të jetë tregues i shumë gjendjeve të ndryshme serioze mjekësore.
Ndjesia e goditjes
Nëse keni një ndjesi pulsimi ose rrahjeje në veshët tuaj kur nuk jeni duke ushtruar me forcë, kjo mund të tregojë një presion të lartë të gjakut.
Mund të jetë gjithashtu e lidhur me pirjen e sasisë së madhe të kafeinës, prandaj provoni të shkurtoni kafenë dhe sodat me sheqer. /Gazeta Shneta/