Pse gratë mund të jenë të pajisura më mirë për të luftuar COVID-19

2021-04-18 në ora 23:25

Kur bëhet fjalë për COVID-19, gratë duket se janë më të forta karshi burrave, sa i përket mbrojtjes dhe neutralizimit të shpejtë të sëmundjes.

Tani, një eksperiment i rastit nga një studiues i okulistikës në Duke Health ka çuar në një pasqyrë: Gratë kanë më shumë një lloj të caktuar të qelizave imune që luftojnë infeksionet në indet e mukozës dhe këto qeliza imune grumbullohen në mushkëri, të gatshme për të sulmuar virusin COVID shkruan MedicalxPress përcjell Gazeta Shneta.

“Më mirë të armatosura me këto qeliza të specializuara imune, shihen të jenë gratë për të luftuar disa nga ndikimet më të rënda të COVID-19, veçanërisht infeksionet e frymëmarrjes që mund të bëhen të rrezikshme për jetën”, tha profesior Dr. Daniel Saban i departamentit të imunologjisë.

Dr. Saban, i cili drejtoi studimin që shfaqet në revistën ‘Cell Press Med’, tha se hulumtimi filloi pranverën e kaluar ndërsa COVID vazhdonte të përhapej.

“Ne nuk e filluam me një hipotezë,” tha Dr. Saban. “Ishte një qasje krejtësisht e paanshme, ku ne u kërkuam kolegëve tanë të siguronin mostra gjaku dhe indesh nga pacientët me COVID, si dhe njerëz të shëndetshëm. Ne nuk kishim ide se çfarë do të gjenim, nëse kishte ndonjë gjë”.

Dr. Saban dhe anëtarët e laboratorit të tij, panë që një qelizë e bardhë e gjakut e quajtur qelizat T të pandryshueshme të shoqëruara nga mukoza, qarkullonin më me bollëk në gjak nga gratë e shëndetshme krahasuar me burrat e shëndetshëm.

Qelizat T të pandryshueshme të shoqëruara nga mukoza janë qeliza të bardha shumë të specializuara të gjakut që kontribuojnë në mbrojtjen imune në organet dhe indet e mukozës. /Gazeta Shneta/