Shumë gra e përdorin kremin mbrojtës ndaj diellit sa herë planifikojnë se do të ekspozohen në diell edhe për një kohë fare të shkurtër. Ne e bëjmë këtë gjë pasi kemi dëgjuar se nëse ekspozohemi në diell, pa përdorur krem mbrojtës, mund të zhvillojmë djegie të lëkurës, madje edhe kancer. Megjithatë studime të reja tregojnë se kremi mbrojtës ndaj diellit mund të jetë më i dëmshëm sesa vetë dielli.
Ja disa efekte anësore të kremit mbrojtës ndaj diellit.
Pengon aktivitetin hormonal
Studimet kanë treguar se disa nga kimikatet që përdoren për të prodhuar disa tipe të kremrave mbrojtës ndaj diellit, mund të pengojnë disa aktivitete hormonale. Studimi tregoi se adoleshentët që përdornin një krem mbrojtës me përbërës natyralë kishin një aktivitet më të mirë hormonal se adoleshentët që përdornin krem mbrojtës komercial të përbërë me kimikate artificiale.
Dëmton qelizat
Oksibenzoni, një kimikat që përdoret gjerësisht në prodhimin e kremrave mbrojtës ndaj diellit, pasi përthith rrezet e dëmshme ultraviolet, mund të dëmtojë AND-në e qelizave. Përdorimi i kremrave me përmbajtje oksibenzoni në shtatzani mund të rezultojë me lindjen e një bebi me peshë nën mesataren.
Promovon zhvillimin e qelizave kancerogjene
Qelizat e dëmtuara nga kremrat me përmbajtje oksibenzoni kanë një mundësi shumë të lartë që të shndërrohen në qeliza kancerogjene, gjë që potencialisht mund të shkaktojë kancer lëkure.
Rrit rrezikun e zhvillimit të kancerit të gjirit
Një kimikat tjetër, i përdorur në disa lloje kremrash mbrojtës ndaj diellit, është dhe benzofenonis i cili mund të imitojë efektet që ka estrogjeni i tepërt në trup, gjë që rrit ndjeshëm rrezikun e zhvillimit të kancerit të gjirit.
Ndaj përpiquni të mos blini kremra që përmbajnë kimikatet e përmendura më sipër. Një zgjedhje e mirë janë kremrat bimorë apo kremrat me përmbajtje titani ose zinku, të cilët ofrojnë një mbrojtje shumë të mirë dhe pa efekte anësore./pernenat